Нунылан – чап да кугешнымаш. Но Шернур тӱвыра да каныме рӱдер пелен погымо "Пӧлек" калык фольклор ансамбль нерген посна шомакым ойлымо годым, тудын 40 ий утла шуйнышо творчестве корныж нерген палемдыде нигузе огеш лий.

Мом шылташ, ансамбльын вияҥме корныжо шкешотан да тӱрлє шєрынан. Тыгай жапат лийын, кунам тудын лӱмжӧ, чапше районышто веле огыл, тудын деч єрдыжтат путырак чот йоҥген, вара изишак тыпланен, пашаже икшырымын каен. А ик жап калык коклаште "Пӧлек" пытен" ойат шоктен. Но ты жап коллективлан, кужу корныш тарваныше йолешке семын, шӱлышым налын каналтыме, вара у вийым поген ончыко тарваныме тат веле лийын. Калыкын йєратыме ансамбльже тачат ила да ончаш толшо-влакым куандара.

Зоя Андреевна Андреевам "Пӧлек" ансамбльым эн кужу жап вуйлатыше семын палемдаш лиеш, тудо 17 ий утла коллектив дене пашам ыштен. Шкеже участник семын 1978 ийыште 24 ияш улмыж годым толын да ятыр жаплан кодын.

Тӱвыра пашан энтузиастше чыла сомылымат кӱлеш семын шуктен шоген. Пашажым аклен, тӱрлӧ кӱкшытыштӧ палемденыт, Йыван Кырлан лўмгечыжлан пӧлеклалтше шарнымаш медальым кучыктеныт. Тыгак Марий Эл культур, печать да калык-влакын пашашт шотышто министерствын "Калыкын чонжо" премийым сулен налын.

(Умбакыже. Тӱҥалтышыже 17, 18, 19, 20, 21, 22, 23-шо номеран газетлаште)