Азьвылэз кылем даурысь 70-тӥ аръёсы пуктэмын вылэм. - Канализация ӧвӧл, ву колодчаысь карнанэн ваиськомы. Собере тросэз татын Санпинлэн куронъёсызлы уг ни тупа, - валэктэ ФАП-лэн заведующиез Ольга Вахрушева.
Та эмъяськонниын со ог 30 ар тыршемын, пенсие потыса но, ужзэ азьланьтэ али. Кемалась но ӧвӧл 600 муртлэсь тазалыксэ эскерыса возиз, 200 ватсаськем на артысь Унтемысь эмъяськоннизы пытсаськем бере. Но туннэ нуналлы огъя валысь 450 мурт кылемын на. Верамезъя, та лыдпус арлы быдэ кулэсме, но вож нуны вордскемлы шумпотон дыръёссы луо ик. Туэ кык ни, эшшо витиськомы на, шуэ.
Гуртоосызлэсь тазалыксэс эмъянэн герӟаськем нуналмысь ужен валче Ольга Линовна ветлэ патронажен яке укол тырыса, арняяз одӥг пол Унтемын калыкез эскере-учке. Коронавирус но вуылэм ни доразы: куинез висиллям, но секыт ӧз ортчытэ, шуэ. Ачиз со, мукетъёсыз эмчиос сямен ик, котькуд кварталэ анализ сдать каре: ковидлы антитела вань-а ӧвӧл-а эскеро. Кышкыт черлэсь утиськон вылысь улӥсьёссы пумен-пумен пуктыло ни, пе, прививка.
- Балезиноын лэсьто ук, гожтӥськоно но черодэз витёно. Тодмоосмы тросэз лэсьтӥзы ни, ми но малпаськомы, - шуо эмъяськонние кемдэм кышноос.
Турецкое вуылэ передвижной комплекс но. Берпуметӥзэ татын кылем аре ужам, гуртоослэсь вирзэс басьтӥллям, синпуш давленизэс эскериллям, маммограф ужам. Гужемлы флюорографез витё.
- Оскиськом: гужем выль фап-мы но усьтӥськоз ни. Отын туала эмтӥрлыкез луоз, компьютер пуктозы. Ми но выль сямен ужаны кутскомы. Мылкыды вань на, но егитъёс мед лыктозы вал. Государство дышетэ-дышетэ но, олокытчы мыно, олокытын, вылды, ужало, - малпанъёссэ усьтэ Ольга Линовна.
Котьма ке но, гурт калык осконзэ уг ышты, кулэ луиз ке, выль ФАПе егит эмчи но шедёз шуыса. Тани эштосазы егит агрономъёс лыктӥзы ук.