Гажано эшъёс, али вуоно арлы гожтӥськон вакыт мынэ. Газет-журналъёслы луэ гожтӥськыны быдэс арлы но, ӝыны арлы но, 1 толэзьлы но. Толэзьлы быдэ вань гожтӥськемъёс пӧлын лотереяос ортчылозы. Со радъяськоз газет-журналъёслэн "Вконтакте" бамъёсазы меӵак эфир пыр. Вераны кулэ, котькуд изданилэн аслаз лотереяез ортчоз.

Тодады вайытӥськомы, "Йӧскалык прессалэн юртэз" поттэ 7 удмурт газет-журналъёсты. Со "Удмурт дунне", "Иднакар" элькун газетъёс, нылпиослы "Ӟечбур!" газет но "Кизили" журнал, дышетӥсьёслы но визьнодасьёслы "Вордскем кыл" журнал, егитъёслы "Инвожо" журнал, литератураен эшъяськисьёслы "Кенеш" журнал.

Кузьым утэмды потэ ке, анкетаысь юанъёслы валэктон сётоно но таӵе адресъя келяно: Ижкар, К. Маркса ульча, 274-тӥ юрт яке фотое пуктыса лэзёно 89511953765 Viber (Вайбер), WhatsApp (Вотсап) пыр, "ВКонтакте" баммы пыр.

Бере эн кыле! Вазиське почтальондылы яке жингыртэ Йӧскалык прессалэн юртаз 8(3412) 78-08-70, 8-951-195-37-65 номеро телефонъёсъя, вань юанъёслы валэктон сётомы, гожтӥськыны юрттомы.

"Иднакар" газетлы гожтӥськемъёс пӧлын лотерея ортчылоз меӵак эфирын "Иднакар" газетлэн "Вконтакте" огиназ: https://vk.com/idnakar18.

Учке соосты таӵе дыръёсы: 26-тӥ ноябре 15.00 часын; 24-тӥ декабре 15.00 часын.