Нылъёс но та ужрадэ мыло-кыдо пырисько, ӟеч-ӟеч дасясько. Таяз конкурсын асьсэды котыр ласянь возьматӥзы сизьым кузя нылъёс: Дэбес политехникумын дышетскись Светлана Воронцова, Тольёнысь Анжелла Воронцова, Бадӟым Зетымысь Виктория Конькина, Такагуртысь Татьяна Куртеева,
Зар-Медлаысь Валерия Владыкина, Елизавета Кожевникова но Екатерина Королёва. Нылъёс сцена вылэ огзы бӧрсьы огзы чеберенызы мальдытыса потӥзы.
Нырысь ик соос асьсэ сярысь мадизы. Котькудӥз пӧртэм амалэз уже кутӥз. Кин ке кылбур лыдӟиз, кин ке презентация, сценка возьматӥз, кин ке кырӟаз. Нылъёслэсь мадемзэс яркыт но тунсыко каризы
юрттӥсьёссы. Нырысетӥ конкурс бере ик валамон луиз, дунъясьёслы секыт йӧтоз шуыса.
Кыкетӥез конкурс "Визь сынан" нимаськиз. Чебер апайёс шаеренымы, ёросэнымы герӟаськем мудрон юанъёслы веразы. Паймоно кадь, одӥгзы но ӧз янгышалэ. Зол дасяськыса лыктӥллям!
Куинетӥяз вожвылъяськонын нылъёс галстук керттыны быгатэмзэс возьматӥзы.
Нош тужгес но тунсыкоез вал ньылетӥез конкурс. Татын чеберайёс пӧртэм быгатонлыкъёссэс шараязы. Светлана Воронцова эшъёсыныз ӵош быдэс крезьгуро композиция возьматӥз. Шулдыр кырӟанъёсынызы шумпоттӥзы Анжелла Воронцова, Валерия Владыкина. Учкисьёс синмаськизы Ели-
PDF Байгурезь
№3 (866) март 2017 г. Приложение - к Дебёсской районной газете “Новый путь”.
PDF
завета Кожевниковалэн жингрес куараезлы, сцена вылын ассэ быгатыса воземезлы. Виктория Конькина учкисьёслэсь сюлэмзэс Галина Образцовалэн кылбуреныз вырӟытӥз. Татьяна Куртеева чебер эктыны быгатэмзэ возьматӥз. Екатерина Королёва паймытӥз маскара сценкаын шудэменыз.
Сыӵе пичи концерт возьматӥзы чеберайёс, учкисьёсты шумпоттыса.
Вожвылъяськон йылпумъяськон азьын соос удмурт дӥсен ширъязы на. Ваньзы туж мусо но чебер адӟиськизы. Тужгес но паймытӥз Татьяна Куртеевалэн удмурт шӧмо сюан дӥсез. Со мода возьматон подиумысь васькытэмын кадь йӧтӥз.
Конкурс мынытозь трос шулдыр удмурт кырӟанъёс чузъяськизы. Соосты быдэстӥзы "Шудбур" ансамбльысь кырӟасьёс, егит крезьгурчи-кылбурчи Иван Жуйков, ӝужась кизилиосмы Полина Баженова, Константин Стрелков. Ӝытбыт маскаръяськизы, учкисьёслы капчи мылкыд кузьмазы ужрадэз нуисьёс Иван Жуйков но Александр Вахрушев.
Ӵошатскон - со ӵошатскон. Дыр вуизйылпумъянъёс лэсьтыны. Нылъёслы тау карон кылъёсын вазиськиз, ӟечкылаз Дэбес ёрос муниципал кылдэтлэн тӧроезлэн кивоштӥсез Леонид Юрьевич Иванов.
Дунъясьёслэн куара сётэмзыя "Чеберай" луиз Екатерина Королёва, "Мусокай" –Елизавета Кожевникова, "Дыдыкай" – Анжелла Воронцова, "Визьмокай" – Виктория Конькина, "Устокай" – Татьяна Куртеева. Вань нылъёс пусъемын кузьымъёсын. Ваньзы соос котькуд ласянь чебер-
зэс, быгатэмзэс усьтӥзы, эшшо но золгес возьматӥзы удмуртлыкез мур гажамзэс, удмурт нылкышноослэсь котьма ласянь усто луэмзэс. Нош радъязы та чебер но тунсыко ужрадэз "Вертикаль" центрысь егитъёсын ужась ӧнерчиос.