Оныҥ кийининде ороонныҥ ичинде башкару-jаҥ солынганынаҥ бери эмдиги орто ӱредӱлӱ школдоҥ башка эки ле организация артты - домкультура ла медпункт. Текши айалга кӱч те болгон болзо, бистиҥ jурт ишчи-лер jурттыҥ ижин jарандырарга, албатыныҥ ӧҥзӱрее сурактарына болужарга чырмайгылайт. Бу jанынаҥ темдек эдип культура туразында узак иштеп келген Тымыева Н. К. керегинде бичийин деп… Наталья Константиновнадый улустар культура туразында иштеп турган учун бистиҥ jурт клубтыҥ ады аймак ла республика ичинде текши jарлу боло берген. Эмди байрам ӧйлӧрдӧ jӱзӱн-jӱӱр туштажу-ларга учурлаган ӧйлӧрдӧ культишчилер ойын-кон-церттер ле маргаандар ӧткӱрет. Бу ончо иштерди jаантайын ӧткӱрижип ле туружып турган кижи клубтыҥ библиотеказыныҥ заведующийи Тымыева Н. К. Ол клубта башка-башка кружоктор – хозяюшка, краеведческий кружок "СКИФ", клуб книголюбов ачкан ла иштедип турган кижи. Узак ӧйлӧргӧ иштеп келген ле ченемели jаан культишчи. Наталья Константиновна 1962 jылда бу ла Балыкту-юль јуртта чыккан. Орто ӱредӱлӱ школды божодоло, автоклубтыҥ заведующийи болуп иштеп баштаган. Оныҥ кийининде иштеп турала 1981 jылда алтайский государственный институт культурага ӱредӱге кирип, 1985 jылда библиотекарьдыҥ факультедин jеҥӱлӱ божодып, тӧрӧл jуртына ойто иштеп келген. Ол ӧйдӧҥ бери jурт библиотеканыҥ заведующийи болуп 33-чи jыл иштеп jат. Јаан ченемелдӱ культишчи бойыныҥ ижинде кӧп катап кӱндӱлӱ грамоталарла, сыйларла кайралдаткан. 2015 jылда "За особый вклад в развитие Улаганского района" деп, 2016 jылда "Почетный знак" деп медальла кайралдаткан. Бойыныҥ тӧс ижиле колбой Надежда Константиновна балдарла ар-бӱткенди корыыры ла јуучыл-патриотический таскамалду иштер ӧткӱрет. Онойдо ок эки книга чыгарган. Јарлу jурукчы И. И. Ортонуловко учурлаган "Быйан слерге jурукчы" ла "1941-1945 jылдарда учурлаган jерлеш jуучылдарга мӧҥкӱлик ӱспекчи" деп книгалар. Эмди тыҥ удабай ла jаҥы jылдыҥ байрамы келер - иштер кӧптӧӧр, тыштанар ӧйи ас болор. Оныҥ учун бу келер jылга иштенерге Наталья Константиновага су-кадык, иште jедимдер ле jӱрӱмде кӧп ырыс болзын деп кӱӱнзеп турум.