Версия для слабовидящих |
18+
Выбрать регион

Общественно-политическая газета Улаганского района республики Алтай

649750, Республика Алтай, Улаганский район, село Улаган, у. А.В. Санаа, дом № 8
телефон: +7 (38846)22675
e-mail: ulagansolundar@yandex.ru

ЧАГА БАЙРАМ БАЛЫКЧЫ ӦЗӦКТӦ

Кочкор айдыҥ 17 кӱнинде Чолушман ӧзӧктиҥ Балыкчы јуртында Чага байрам ӧткӱрилген. Байрамныҥ маргаандары "Алтын – Туу" стадиондо тӱштиҥ 12 саадында башталган. Чогулган албаты-јон спорттыҥ башка-башка бӱдӱмдериле маргышкылап,

сыр-каткыда ла ойында јакшы кӱӱн-тапту бой-бойлорыныҥ ортозында јеҥӱге једерге чырмайгылап турдылар.

Байрамды јурттыҥ клубыныҥ ишчилери ле ДЮСШ –ныҥ јааны Каланов Владимир Алексеевич ӧткӱрдилер. Спорттыҥ бӱдӱмдериле турулталар мындый болды:

Тебек теберинде

1 јерди Купин Сергей Валентинович алды (321 катап тепкен), 2 јерди Аскышев

Евгений Михайлович (85 катап тепкен), 3 јер 64 катап тепкен Мюнчинов Владислав

Цезаревичке келишкен.

Купин Сергей Валентинович байрамга келер алдында тыҥ ла белетенген эмтир: эптӱ

јараш алтай ӧдӱк кийген, бойына келижер эдип корголјын тебек јазап алган.

Токпок чачарында

1 јер – Чоков Тофик Суджаетович, Тантыева Торколой

2 јер – Талашев Борис Анатольевич, Бедушева Мӧҥӱн-Сай

3 јер – Бачимов Василий Сергеевич, Кыныракова Анастасия Сергеевна

Алтай кӱрештиҥ маргааны ДЮСШ-ныҥ јараш залында ӧткӧн:

1 јер – Чоков Тофик Суджаетович (кой ойноп алган), 2 јер – Тыдыков Алексей Ар-сентьевич (сый сенсорный телефон) ло 3 јер – Сарчаков Валерий Евгеньевич (термос).

Эҥирде ончо Чолушманныҥ албаты-јоны јурттыҥ клубында чогулып, школдыҥ,

детинтернаттыҥ ла клубтыҥ ишчилериниҥ белетеген концертин кӧрдилер. Солун

кайкамјык моданыҥ телекейине Юнчакова Анна Валерьевнаныҥ белетеген алтай кеп-кийимниҥ кӧрӱзи улусты кычырды. Анна Валерьевна бойы Чолушманныҥ школында

јуранарыныҥ ла технологияныҥ ӱредӱчизи болуп иштейт. Кӧрӱде алтай кийим кийген

кызычактар ла уулчактар эптӱ јараш этире залга базып, ончо ло јуулган улуска кичинек

те ӧйгӧ болзо сӱӱнчи сыйлады. Залда чогулган улустарга бойлорыныҥ кожоҥдорын

Ельдепова Мария Алексеевна, Тымыева Айжана Романовна, Чоков Олег Васильевич ле

Зуева Айсула Александровна сыйлаган. Бойыныҥ экпиндӱ бијелериле Калкина Алена

Николаевна, Койткина Арина, Юнчакова Ксения, Тужалова Ай-Тана, Тюльтекова Аэ-лита, Белякова Арина, Койткин Эркей, Ялбаев Артык, Аскышев Айас, Сабулов Игорь

ло Тантыев Артык јерлештерин олјолоды. Јуулган улусты детинтернаттыҥ ӧмӧлиги

бойлорыныҥ мындый алкыш јаҥары ла алкадылар:

Арчын јытту Алтайыс,

Артабазын качанда.

Аарчы-курут курсагыс,

Тӱгенбезин качанда.

Су-кадыгар качанда

Кайа-таштый бек болзын!

От очогор ӧчпӧзин,

Бӱдӱрген ижигер једимдӱ болзын!

Азыраган балдарыс ырысту болзын! Ӧмӧликтер ортодо баштапкы јерди Тымы-ева Айдана Юрьевнаныҥ ӧмӧлиги аларда, экинчи јер школдыҥ ӧмӧлигине келижип,

ӱчинчи јер Аскышева Елена Викторовнаныҥ округына једишкен. Байрамныҥ учында

гармонисттердиҥ ле баянисттердиҥ маргааны болгон. Залда отурган улустыҥ јиит ӧйлӧри

сагыжына эбелип, сӱӱнчилӱ каткырып алды-лар. Гармонисттердиҥ эҥ јааны Тантыев Степан Маратович ундылып калган "Подгор-ная" ла орус бијениҥ кӱӱзин сӱрекей јараш ойноды, Тужалова Галина Маратовна орус бијениҥ башка-башка бӱдӱмдериле улусты таныштырды. Кошев Геннадий Кимович

"Эҥир јылдыс чыгарда" деп кожоҥды, Токоеков Николай Егорович "На сопках Манч-журии", Чоков Олег Трифонович "Сени сакыйдым", Токоекова Марина Эдуардовна "Ак кайыҥ" деп ойногон кӱӱлерин улус изӱ колчабыжу ла уткудылар. Байрамга чогулган ончо албаты-јон јакшы кӱӱн-санаалу айлы-јуртына јандылар

Автор: Редакция газеты "Улаганнын солундары"


По этой теме:

Лайкнуть:

Версия для печати | Комментировать | Количество просмотров: 766

Поделиться:

Загрузка...
ОБСУЖДЕНИЕ ВКОНТАКТЕ
ОБСУЖДЕНИЕ НА FACEBOOK
КОММЕНТИРОВАТЬ

Captcha
 

МНОГИМ ПОНРАВИЛОСЬ
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ
ПОПУЛЯРНОЕ
Яндекс.Метрика