Јастыҥ баштапкы кӱндериниҥ бирӱзинде Улаган јурттыҥ
клубында јилбилӱ туштажу ӧтти. Мында Олчонова Мария
Петровнаныҥ баштаҥкайыла јаан јаштулар чогулыжып, солун-собурын угужып, куучындажып, озогызын ойгортып,
эмдигизин эзедип, артисттердиҥ ойын-концертин кӧрӱп тыш-тангылаган. "Јӱс јашка јетире" деп кычыруны ајаруга алып, туштажуга келген эҥ јаан јаштулардыҥ тоозында 90 јашту
Енчинова Ольга Митрофановна ла 80 јашту Олчонова Зино-вья Макаровна болдылар. Мындый јакшынак керек баштап, улусты бириктирип, јаантайын јурттыҥ, аймактыҥ эл-јондык
јӱрӱминде туружып турганын керелеп, собестиҥ адынаҥ
Тамара Самсоновна Чугулова ла аймактыҥ ветерандарыныҥ
адынаҥ Александра Байрымовна Кончубаева Мария Петров-нага сыйлар ла Быйанду самаралар табыштыргылаарда, јаан јаштулардыҥ адынаҥ Ялбаева Прасковья Семеновна јылу
сӧстӧрин база айтты. Концерт божогон соҥында кӱӱнзеген улус "Пазырык" музейде болуп турган "Јаскы тамчы" деп выставканы јилбиркеп кӧргилеген кийнинеҥ, 50 јаштаҥ ала
90 јашка јетире чогулган улус эҥирге јетире "дискотекада" турушкылаган. Адакыда, Мария Петровна туштажу ӧткӱрерге болужын јетирген аймактыҥ јаанына Н.А.Санинге, Улаган јурт
јеезениҥ јаанына А.М.Токоековко, культураныҥ ишчилерине, курсакла јеткилдеген Чулунова А.А. ла "Виктория" кафениҥ ишчилерине ле туштажуга келген ончо улуска јаан быйанын
јетирет. Јастыҥ јараш кӱнинде мындый јакшы јылу айалгада ӧткӧн кӧдӱриҥилӱ эҥирди кӧрӱп, бой-бойына айдыжып, ке-лер ӧйдӧ мындый ок эҥирди јурттар сайын ӧткӱрзин деп улус
(анчада ла Кара-Кујур јурттыҥ улузы) Мария Петровнаны сурайдылар.