Бу конкурс 2002 јылдаҥ ала ӧткӱрилет. Јылдыҥ ла сайын оныҥ туружаачыларыныҥ тоозы там

ла кӧптӧйт. Быјылгы конкурста јӱске јуук кожоҥчы бойлорыныҥ јайалталарын

кӧргӱскен. Каладыҥ кожоҥчыларынаҥ башка Шебалин, Майма, Чой, Улаган

аймактардаҥ јитт јайалталар келип турушкандар.

Конкурс јажыла 4 башка категорияда ӧткӧн. Эҥ баштапкы 14 јашка јетире

кожоҥчылар сценага чыккандар. Бу категорияда Улаган аймактаҥ Чибилӱниҥ

школыныҥ ӱренчиги Айана Койдушева "Албатылык јаҥжыгуларды чеберлегенинде" деген окылу диплом алган. Бу ла категорияда Чибилӱниҥ школыныҥ база бир ӱренчиги

Анна Конушева туружаачыныҥ дипломын база алган. Эҥ ле јиит туружаачылардыҥ ортозынаҥ

ӱчинчи јерлерди Марина Молодых ла Софья Наймушина алгандар. Экинчи јерде - Анита

Сыромолот ло Айсура Кеденова. Јеҥӱчилдер - Майя Лазарева, Дмитрий Алтарыков ло Шебалин аймактаҥ "Алтын" деген группа.

1 8 јашка јетире туружаачылардыҥ ортозында баштапкы јер кемге де берилбеген. Јеҥӱлӱ јерледи Суркун Серкин, Галина Шамеха ла Маргарита Степанищева алгандар.

Арткан эки категорияда (35 јашка јетире ле 35 јаштаҥ ӧрӧ) 30-таҥ ажыра ченемелдӱ кожоҥчылар

јеҥӱ учун тартышкандар. Ӱчинчи јерлерди Ольга Байкалова, Диана Сергеева ла Марина Чеснакова

ала соккондор, экинчи јерлерде - Юрий Придава, Людмила Наймушина, Татьяна Архипова ла

"Консонанс" ансамбль (ГАГУ). Баштапкы јерлерди Анна Карабатова, Алёна Казанцева ла Галина

Гребцова ӱлешкендер. Калганчы минутага ла јетире гран-при сыйды кем ойноп алганы, јарты јок болгон. Бу јорык эҥ тӧс сый Улаган аймактаҥ Алексей Тазрановко келишкен. Алексей сӱӱш, ырыс, тӧрӧли керегинде алтай кожоҥдорын јуулган улуска сыйлаган болгон. Жюриниҥ турчылары быјылгы

конкурсанттардыҥ ченемели бийик, сценада бойын тудунары, кеп-кийими,

јайалтазы - бастыра бийик кеминде болгон деп темдектейт.