Мындый јаан байрам республикабыстыҥ башкараачызыныҥ ижин удурумга бӱдӱрип турган Олег Хорохординныҥ баштаҥкайыла ӧткӧнин темдектеер керек. Бу фестиваль "Россияныҥ гастрономический картазы" деп федерал ӱлекерге кийдирилген.
Фестивальдыҥ јӱзӱн-башка бӧлӱктеринде 20 муҥнаҥ ажыра улус турушкан. Бу эки кӱнниҥ туркунына каланыҥ тӧс тепсеҥи республиканыҥ ончо аймактарынаҥ фермерлерди, аргачыларды, устарды, айылчыларды јууган. Айас серӱӱн кӱнде ачык теҥериниҥ алдында тургузылган площадкаларда јӱзӱн-јӱӱр алтай курсактар амзадылып садылган, анайда ок устар ла јурукчылар бойыныҥ эткен эдимдери аайынча мастер-класстар ӧткӱргилеген. Анайда ок фестивальдыҥ программазы аайынча "Туулу Алтайдыҥ алтын адарузы" деп јараш атту медтыҥ фестивали база ӧткӧн. Јаан улустаҥ башка организаторлор оогош болчомдор керегинде база ундыбаган, олорго јӱзӱн-јӱӱр аттракциондор, мастер-класстар ла конкурстар ӧткӱрилген. Озолондыра чотомол ло байрамда 800 кг койдыҥ эди, 135 кг аҥныҥ эди, 300 кг пельмен, 130 кг балык, 44 казан плов ло шурпа ла алтайыстыҥ јӱзӱн-јӱӱр каттарынаҥ јазалган 900 литр кирези морстор садылган. Улаган аймактыҥ делегациязын аймактыҥ јааныныҥ баштапкы ордынчызы Айдар Тондоев башкарып экелген. Мында изӱ телеҥит кууртмашту чайыла Светлана Николаевна Бельтрикова улусты кӱндӱлеерде, јурт ээлем бӧлӱктиҥ ишчилери кӧчӧзин, эдин кайнадып улусты азыраган. Бистиҥ делегацияныҥ кӧчӧзин канайда кайнадып турганын Москванаҥ келген телевидениениҥ ведущийи Михаил Ширвиндт лаптап кӧрди, оныла алтай аш-курсакты азар јажыттарыла Алексей Яковлевич Мамин ӱлешти.
«Эне Јер. Алтай 2019»
Мындый јаан јараш байрамныҥ уч-турултазын ады-јарлу "Мачете" деп группа ла Россияныҥ эл артизи Олег Газманов кожоҥдорыла јарандырды
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ