Тыште преподобный Сергий Радонежскийын шочмыжлан 700 ий темме лўмеш муро, поэзий да сўрет фестиваль эртыш. Фестивальыш Волжский районысо йочасад да школла гыч туныктышо, тунемше-влак, социальный педагог-влак, йоча-влакын ача-авашт да прихожанин-влак толыныт.
Мероприятийым Кугу Порат кыдалаш школын тунемшыже-влак Алексей Андреев ден Мария Тимофеева почыч. Куд ўдыр сылне марий куштымаш дене уна-влакын кумылыштым нєлтыш. Куштымашым Кугу Порат школын уста хореографше В.А.Толстова ямдылен. Волжск оласе шнуй Николай Чудотворец лўмеш соборын настоятельже иерей Виталий Михеев, Волжский районысо туныктымо пєлкан вўдышє специалистше Т.И.Головина, Кугу Порат школ директор В.Ф.Гордеева чылаштым пайрем дене саламлышт, икте-весе дене келшен илаш, конкурслаште сайын выступатлаш, шкеныштын мастарлыкыштым тўрыс почын пуаш тыланышт. Мероприятийын торжественный ужашыште руш мландын игуменже Сергий Радонежский нерген ятыр тунемше моктеммутым ойлыш, поснак 8 классыште тунемше Елизавета Голомидован лудмыжо келшыш. Мут толмашеш, тений тудо 18 майыште Йошкар-Оласе православный рўдерыште почеламутым сылнын лудмо дене гран-прим се‰ен налын.
Мурымаш, поэзий секций-влак тўрлє ийготан йоча-влак коклаште эртышт. Жюри член-влаклан паша ситышынак лекте. Конкурс деч вара уна-влак актовый залыште "Трое вас и трое нас, Господи, помилуй нас" кинофильмым ончышт.
"Муро" номинацийыште Полина Алпаева (Приволжский школ), Настя Абрамова (Кугу Корамас школ), районысо йоча усталык пєрт пелен самодеятельный композитор В.А.Осиповын чумырымо "Мурсескем" ансамбль, Сотнур черке да школ пеленсе педагог Л.И.Данилован вуйлатыме ансамбль, Кугу Порат школын педагогшо Н.А.Тимофееван вуйлатыме вокал ансамбль икымше вер дене палемдалтыч.
"Поэзий" номинацийыште (5-7, 7-9, 10-14, 15-17 ияш, 18 ияш да кугурак-влак коклаште) пеш тале та‰асымаш эртыш, поснак шуко участник 10-14 ияш йоча-влак коклаште лийын. 18 ияш деч кугурак-влак коклаште Л.В.Алпаева се‰ышыш лекте, Лидия Валерияновна – опытан педагог да лудшо, районысо йоча усталык пєртыштє ятыр ий пашам ышта. Тудын Полина ўдыржат 10-14 ияш йоча-влак коклаште икымше вер дене палемдалте, конкурслан аваже ямдылен. 7-10 ияш-влак коклаште Юлиана Антонова (Сотнур школ), 5-6 ияш-влак коклаште Варвара Голомидова (Кугу Порат селасе "Ягодка" йочасад), 15-17 ияш-влак коклаште Вячеслав Крылов (Мамасево школ) икымше верым се‰ен нальыч.
Почеламутым шке гыч да туныктышо-влакын полшымышт дене возышо-влакат конкурсышто та‰асышт. Тиде номинацийыште Сотнур школ гыч Алексей Митяков (7-9 ияш), Надежда Ильина (15-17 ияш), Ольга Албахтина (Кугу Корамас школ, 15-17 ияш-влак коклаште) икымше верым се‰ен нальыч. Нуно "Россия, родина моя" номинацийыште се‰ышыш лектыч.
Фестивальын программыштыже тыгак изобразительный искусство предмет дене туныктышо да тунемше-влакынат пашаштым куанен ончышна. Тыште поснак палемдаш кўлеш Кугу Корамас кыдалаш школын уста педагогшо Аркадий Алексеевич Федоровым. Тудо кажне конкурслан тыршен ямдылалтеш. Ты ганат лўмлє туныктышын воспитанникше-влак Дарья Покровская (4 класс), Малена Андреева (7 класс), Константин Алканов (коррекционный класс) ойыртемалтыч.
Йоча усталык пєртын Пєтъял школ пеленсе ешартыш образованийын педагогшо Андрей Николаевич Красновын тунемшыже-влакат конкурсыш сылне сўрет-влакым конденыт. Опытан педагогын тунемшыже-влакат призовой верла дене палемдалтыч.
Кугу Порат кыдалаш школышто кажне ийын православий темылан ятыр о‰ай мероприятий эрта. Школ да верысе Димитрий Солунский лўмеш черке дене кыл пе‰гыде. Евгений Бакутов ача кажне мероприятийым эртараш морально да духовно полшен шога, материальный полышымат пуа. Умбакыжат кылышт пе‰гыде лиеш манын, ўшанен кодмо шуэш.