Эше Грецийыште илыше философ Сократ шке жапыштыже тыге каласен: "Тӱняште улшо чыла профессийлан айдеме вуйын шога, кумытшым гына Юмо пуа: педагогым, судьям да врачым".

Эмлызын специальностьшо тачат моткоч кӱлешан да суапле лийын кодеш. Тӱня мучко шарлыше да озаланыше коронавирус инфекций тидым поснак шижаш таратен. Лач тыгай годым веле кунамже медицине пашаеҥын шуктымо сомылжым кӱлеш семын аклаш тунемына. Полыш кидым шуялтыше ош халатан еҥвлак, шке илышыштым, тазалыкыштым чаманыде, кажне кечын пашаш лектыт, айдемын илышыжым арален кодышаш верч шучко чер ваштареш кучедалыт. Тунамак моло чер дене туешкыше-влакымат эмлат.

Шернур рӱдӧ эмлымверыште кум ий терапевтлан ыштыше Марина Леонидовна Токтаровамат лач тыгаяк кумда, шокшо чонан эмлызе-влак радамыш пурташ шотлан толеш. Самырык специалистын паша стажше але пеш кугужак огыл гынат, шке сомылжым йӧратен, тудлан уло вийжым да моштымашыжым пуэн, лийжак манын тырша.

(Продолжение читайте в материале Л.Вершининой № 24 газеты "Шернур вел")