Ятыр ий Койсола книгагудышто библиотекарьлан ыштыше, а кызыт сулен налме канышыште улшо Надежда Петровна Пирогован пӱрымашыже йыжыҥан да ойыртемалтше манам гынат, йоҥылыш ом лий. Илыш тудлан шуко тергымашым колтен, но чыла гычат шот дене, лӱмнержым волтыде лектын. Марий кундемын шочшыжо икмыняр ий ешыж дене Латвийыште илен. Тиде пагытшым шарналтымыж годым шинчаже путырак ылыж кайыш, кумылжо утыр нєлталте. Чон йӱлен каласкалымыжым эсогыл посна книга дене лукташ лиеш. Но чылажат рат дене.