"Марий вургем - сöрал чием"
Шернур районын 100 ияш лўмгечыжлан да Марий Эл республикын кечыже вашеш "Шернур вел" газет "Марий вургем – сöрал чием" фотоконкурсым увертара.
Фото-шамыч 4 номинацийыште аклалташ тўҥалыт:
- эн сылне марий вургеман ўдырамаш;
- пöръеҥымат марий тувыр сöрастара;
- йочан капыште тўрлеман вургем;
- марий чиеман тўшка фото.
Мемнан йодмашна тыгай:
- конкурсын участникше – тудын авторжо – мемнан газетын лудшыжо лийшаш;
- авторский пашам веле налына (авторжо те шке лийшаш улыда);
- фотографийым лўмдыман;
- шкендан нерген тўрыс уверым пуыман (фамилийым, лўмым, ачалўмым, ийготым, илмыверым ончыктыман);
- чыла фото интернетыш, редакцийын лаштыклашкыже, шындалтеш.
Шке пашадам servel7055@bk.ru электрон адрес дене але vk.com/gazetasernur; ok.ru/gazetasernur социальный сетьыш колтыза.
Конкурс 22 октябрь марте шуйна (фото-шамычым тиде кече марте колташ лиеш).
3 ноябрьыште иктешлымашым ыштена. Сеҥыше-влакым пöлек вуча.