(Тўҥалтышыже 13 августышто лекше 32-шо номерыште).

Шернур кыдалаш школ деч вара Сашан ончылно кок корно шоген: военный училище, чӱчӱж гаяк военный лияш шонымаш да Марий пединиститутын спортивный факультетше, тушко тале борецым кажне таҥасымаш деч вара ӱжыныт. Ик йолташ рвезыжын "Саша, тыят тренер от лий гын, вара кӧ Шернур рвезе-влакым шуараш тӱҥалеш" манмыже, тидымак тренер В.Г. Шабердинын пеҥгыдемдымыже Александрым шкенан республикеш коден. Ындыжым тудо борец гына огыл, педагог лияш ямдылалтын. Умылен: икшывын психологийжым палыде, тудын чоныштыжо мо ышталтмым шижде, сай тренер нигунам от лий. Тунеммаш, спорт, таҥасымаш, пьедестал... Но икымше курс деч вара студент Александр Шабдаров ача-аважым ялт ӧрыктарен: армийыш кая!

Умбакыже "Шернур вел" газетын 33 №-ыштыже лудса