19-тӥ феврале Глазовысь "Станция юных техников" ужъюртын ортчиз тунсыко пумиськон. Сӥземын вал со вордскем кыллэн нуналэзлы.
"Язык мой, дружи со мной" ужрад татын арысь аре радъяське, кичӧлтӥсез – ужъюртысь методист Алексей Николаевич Назаров, ачиз понна анай кылэн со лыдъя удмурт кылэз. Озьы ке но, ужрадзэ со малпам пӧртэм нациё 5-7 аресъем пиналъёс понна.
Жаляса верано, таяз радэ конкурсэ вуизы Балезиноысь "Малышок" но "Солнышко" нылпи садъёсысь но Падера школаысь пиналъёс гинэ. Нылпиос умой дасяськиллям: гуртэ ужзэс но, визитказэс но ушъямон возьматӥзы. Вераны кулэ, "Малышок" но "Солнышко" нылпи садысь пиналъёс возьматонзэс удмурт кылын дасяллям, нош Падераысь пиналъёс – бигер кылын веразы, бигер эктонэз возьматӥзы.
Шуге-леке ӧз вуттэ соосты техникаен герӟаськем юанъёс но.
Тау шуэм потэ таӵе ужрад малпасьлы но радъясьлы Алексей Назаровлы но пумиськонэ пыриськисьёслы – нылпиослы но соосты дасясьёслы. Оскем потэ, вуоно арын та ужрадэ пыриськыны мылкыд карисьёс тросгес луозы шуыса.
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ