Эгра ёросысь Мувыр гуртын пу скульптураосъя "Улӟытон" фестиваль ортчиз. Таӵе ӟеч ужлэсь палэнэ ноку уг кыльы Ярысь кибашлы, политехникумысь производственной обучениея мастер Дмитрий Назаров.
Та выллем фестивальёсын со ӵемысь Ува палъёсын улӥсь выныныз ӵошен тыршо. Малпанзэс быдэстон бордын лул-сюлэмзэс поныса ужало, чеберлыкез-устолыкез ваньмыз кибашлыос озьы кылдыто.
Табере Мувыре пыронын ик эгра мастеръёсын лэсьтэм бадӟым капка сылэ. Со гуртлэн утисез, куноосты пумитасез луиз. Нош Назаров вынъёслэн зарни киосынызы кылдытэм пальышась ошпи табере ферма доразы пуке. Капчи мылкыдын ужаллям со бордын, со сярысь Дмитрий вотэс бамъёсын ивортэ.
Улӟем Мувыр гуртэз адӟыны, солы кыкетӥ улон сётэм Александр Корепановен тодматскыны трос калык ветлэ ни та гуртэ. Кибашлыослэн ужъёссы сое эшшо чебермазы, выль кужым пыӵатӥзы.
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ