Валамаз школаын чус – урокъёс мыно. Коридорын вахтер гинэ пуке. Укноос вылын, ящикъёсын вож-вож сяська, помидор росода ӝужа. Ӝоген будосъёсты бакчае поттозы. Дышетскисьёс арысь аре ичиёмо ке но(47 адями), бакчазэс уг аналто: картошка, кубиста будэто
Куке но Валамаз черкогурт вал узыр но улымон посёлок, кытын пӧртэм удысъёсъя производство радъяськиз, 5 сюрс котыр калык улӥз. Кызьы туннэ уло-выло валамазъёс? Мар бордын ужало интыысь аскивалтон ёзъёс, гуртлэсь улонзэ ӟечгес карон понна?