Тулаан айдыҥ jетинчи кÿнинде Кан-Оозы jурттыҥ культура Байзыҥында "АСМ" группаныҥ ойын-концертти бийик кеминде öтти.
Jайалталу алтай jииттерле оморкоп, эки сааттыҥ туркунына öткöн концерт бир тынышла öткöндий. "АСМ"-ныҥ репертуарында jииттердиҥ бойлорыныҥ чÿмдеген кöп jаҥы кожоҥдоры, jарлу кожоҥдордоҥ белетелген каверлер, кÿÿлик ойноткылардыҥ ойыны.
Группаныҥ "АСМ" деп адалганы тегиндÿ эмес. Шонкор Модоров, Арутай Адаров, Азулай Тадинов, Добрыня Сатин тöртÿлези Владимир Кончевтиҥ башкарган алтай уулчактардыҥ студиязында ("Алтайская студия мальчиков") ÿренгендер. Кажызы ла jÿрÿмин кÿÿле колбоп, бÿгÿнги кÿнде кеендиктиҥ телекейинде чÿмдеп, jайаандык jолын jаркынду апарадылар. Шонкор бистиҥ jерлежис болгоныла оморкойдыс. Оныҥ тöзöгöн "Сыр каткыда", "Уксаҥ мени" албатыныҥ сÿÿген проекттери болуп калды. Jайалталу алтай jииттериске jайаандык jолына бийик jедимдер кÿÿнзейли!
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ