Кичә, 26 апрельдә, татар халкының бөек шагыйре Габдулла Тукайның туган көнендә Татарстан Республикасы тагын бер гүзәл бәйрәм – Туган тел көнен уздырды.
Әлеге ике бәйрәмнең бер вакытта уздырылуы очраклы гына түгел. Чөнки Тукай һәм туган тел ул аерылгысыз, бер-берсен тулыландырып торучы язмышлар, үткән белән килоәчәкне тоташтырып торучы күпер булып торалар. Рәсми рәвештә туган тел көне Республикада гына оештырылса да - дөньяның төрле почмакларында яшәүче татарлар әлеге бәйрәмне үз итеп кабул итә.
Шушы көнне үк Казанның Муса Җәлил исемендәге опера һәм балет театрында Тукай исемендәге премиянең 60 еллыгына багышланган тантана да узды. Чарада Татарстан Президенты Рөстәм Миңнеханов Тукай премиясенең яңа лауреатларына бүләкләр тапшырды. Алга таба бәйрәм Тукай һәйкәле каршындагы мәйданда дәвам итте. Бөек шагыйрьнең һәйкәленә чәчәкләр салуда безнең якташыбыз, татарның данлыклы баянчысы, виртуоз музыкант, композитор, Татарстанның халык артисты Рамил Курамшин да катнашты.
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ