1985 воын локтiс овны Зимстанö. Уджалiс аслас туйвизя ПМК котырын энергетикöн, механикöн, главнöй инженерöн. Кад мысти Виктор Владимировичöс вуджöдiсны главнöй инженерöн тайö жö котырас Кебанъёльö.
1996 восянь босьтчис веськöдлыны йöзöс автобусöн новлöдлан котырöн.
Коммунальнöй овмöслöн юкöнö локтiс уджавны 2002 воын, директоралö 15 во. Котыр мытшöдъястöг могмöдö ваöн, шоныдöн районса олысьясöс да котыръясöс, республикаын медбур коммунальнöй овмöсъяс лыдын.
Виктор Владимирович нуöдö ыджыд общественнöй удж. Кебанъёльсаяс квайтöдысь нин бöрйисны сiйöс райсöветса депутатöн.
Район сöвмöдöмö ыджыд пай пуктöмысь, общественнöй олöмын водзмöстчысь Виктор Владимирович Воробьёвлы сетiсны "Кулöмдiн районса пыдди пуктана олысь" ним. Март 30 лунö райсöветса депутатъяслöн чукöртчылiгöн В.В.Воробьёвлы сетiсны та йылысь диплом да морöсвывса лента.
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ