Ӱлӱрген айдыҥ 22 кӱнинде Улаган јурттыҥ культура байзыҥында улу алтай поэт, бичиичи Лазарь Васи-льевич Кокышевтиҥ 85 јажына учур-лалган литературалык эҥир ӧтти. Ӱлӱрген айдыҥ 20-чи кӱнинде ал-тай албатыныҥ укаа санаалу, ойгор кӧгӱстӱ, јайалталу поэдине 85 јаш то-лор эди. Бичиичи, ӱлгерчи, ју ру кчы, ко-кырчы албатызыныҥ јӱрегинде Лазарь Кокышев санаа-кӱӱниле, ич-буурыла, кылык-јаҥыла, тыш-бӱдӱмиле сӱрекей јараш кижи болуп артып калды. Бойыныҥ ӧйинде Лазарь Васильевич Улаган аймакла јорыктап, бистиҥ јерге учурлай ӱлгерлер де бичип

салган. Ого јемей адазы - Василий Кокышев бистиҥ ай-макта бойыныҥ ӧйинде ВЛКСМ-ныҥ качызы да болуп иштеген. Лазарь Васильевичтиҥ јӱрӱми, јайаандык јолы керегинде бу эҥирде Улаганныҥ тӧс

библиотеказыныҥ иш-чилери эптӱ, јараш эти-ре куучындап берген. Улаганныҥ баштамы

школыныҥ ӱренчиктери поэттиҥ ӱлгерлерин эске кычыргандар. Лазарь Кокышевтиҥ кӧп ӱлгерлерине кӱӱ чӱмделип, јарлу кожоҥдор болуп кал-ганын билерис. Ол тоодо "Шуралай" (кӱӱзи Б. Шульгин), "Шыркалу јӱрек" (кӱӱзи Б. Каятов), "Турна", "Ырыс дегени не болотон?" ло о.ӧ. Оныҥ да учун культура бӧлӱктиҥ артисттери бу кожоҥдорды кӧрӧӧчилерге сыйлап бердилер.