Версия для слабовидящих |
18+
Выбрать регион

Автономная некоммерческая организация «Редакция газеты «Вперед»

431800, Республика Мордовия, Атяшевский район, п. Атяшево, ул. Центральная, 6
телефон: +7 (83434) 2-12-68
e-mail: upred2@moris.ru

Ероков ломань

Мария Николаевна Моторкина 35 иеть важодсь культурасо, ульнесь библиотекарекс. Кодат ансяк кенярксчить эзь ютавто те ероков авась!

Од иестэ наряжиль ды киштиль елкань перька, Ине чистэ артыль алт, паниль пачалксеть ды прякат,Тровицясто морыль эрзянь ды рузонь морот.

Ней Пилезелень дока авась пенсиясо, ялатеке эри ялгаксчисэ весе оянзо, шабранзо, раськензэ марто. Вечки пидеме-панеме ды свал арси кодаткак каванямкат. Ялганзо-оянзо неть "эксперименттнэнь" васенце варчицяст ды шныцяст. Эрьва ие пексты-салты куярт-помидорт, пангт, теи эрьва кодат сокт: умарень, морковонь, дураккуяронь. Оште сон вечки костямс теленень эрьва кодат тикшеть ды човорямс настойкат.

Мария Николаевнань эряза обуцязо а максы тензэ оймсемс, сон свал пильге лангсо, ломань ютксо. Неть Мастянь читнестэ миньгак вастовкшнынек ероков аванть марто, эдь сон коень-кирдань содыця, вейкеяк покш чи а ютавты апак тешкста. Мастядонть – кортамскак а мезть.

- Минек покштятне-бабатне ловсть чипаенть, теке Пазонть, эдь сон макссь эрямо весементень. Секс тундонь чипаентень алтавсь пачалксень панемань коеськак. Лововсь, пачалксенть сэвеманзо марто ломаненть потс понги чипаень валдось ды лембесь. Мастясто пачалксетнеде пансть ды ярсасть ламонь-ламонь. Пансть эрьва кодамо начинка марто: топо, капста ды, нама, ойсэ вадезь ды велькс марто. Пачалксень панемась теевсь уличинь, шумбрачинь ды паро эрямонь тердемань коекс. Ков седе ламо улить панезь ды сэвезь пачалксетнеде, тов седе курок сы тундось ды седе паро карми урожаесь, - евтни М. Н. Моторкина.

Те недлястонть сывельде ярсамс уш а мереви ды те а эрявияк, эдь эрьва кудосо панить пачалксеть. Пачалсесь – те ярсамопель, конань теить вецана чапакссто, ды пидить пси пачалгсо. Пачалксе валось лиссь "пачалго" валсто.

Мария Николаевнань улить эсензэ рецептэнзэ, конатнень яволявтынзе минек ловныцятнень туртов.

Автор: Г.Кажаева

По этой теме: Ероков ломань

Лайкнуть:

Версия для печати | Комментировать | Количество просмотров: 2181

Поделиться:

Загрузка...
ОБСУЖДЕНИЕ ВКОНТАКТЕ
МНОГИМ ПОНРАВИЛОСЬ
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ
ПОПУЛЯРНОЕ
ВИДЕО
Яндекс.Метрика