Тений тиде сылне пайрем Курыклўвал Шайра ял воктен, Мўшыл ер олыкышто эртен. Лу шагатлан олык мучко кудо-влак (уна пєрт-влак), йоча-влаклан модмо вер, кочкыш-йўышым ужалыме палатке-влак шке пашаштым тў‰алыныт.

Эн ончыч поселений-влак коклаште "Кудо" конкурс эртен. Аклыше комиссийым кажне кудышто о‰айын вашлийыныт: ик вере шудо солаш пырля на‰гаят, вес вере сўаныш каяш ўжыт, кумшышто тошто марий йўла дене палымым ыштат. Икымше верым Сотнур ял шотан илем сулен налын. Кокымшо верыште – Пєтъял ял шотан илемын кудыжо, а кумшышто – Кугу Порат кундем. Тыгак лўмын ямдылыме пєлекым Эмеково ял шотан илемлан кучыктымо.

Кажне кудышто уна лийме деч вара, калыкым пайремым торжественно почмашышке тєтырет пуч ўжє. Марий йўла почеш, онае‰ Аркадий Алексеевич Федоров ага пашам мучашлыме татым палемден, угинде чапле шочшо, пайрем веселан эртыже манын сугыньлен. Пайрем дене калыкым Волжский муниципал район администраций вуйлатыше Рудольф Антонович Григорьев, районысо депутат-влак погын вуйлатыше Анатолий Алексеевич Макаров, Марий Эл Республик Правительстве Председательын алмаштышыже Илге Робертовна Дравниеце, Марий Эл Республикысе ялозанлык да продовольствий министерствын пашае‰же Валентина Львовна Ушакова, Мер Ка‰ашын е‰же Любовь Анатольевна Сергеева, Марий Эл Кугыжаныш Погынын депутатше-влак Светлана Михайловна Григорьева ден Сергей Викторович Федоров да молат саламленыт.

Пеледыш пайрем – тиде шошо агам да ик идалыкаш сомылым иктешлыме кече. Садлан ялозанлык пашаште ойыртемалтше да моло сомылышто кугу кўкшытыш шушо е‰-влаклан тауштымашым да пєлекым кучыктеныт. Вара программе дене келшышын тўрлє мероприятий-влак эртаралтыныт: художник-модельер Евгения Кошкинан марий костюмжо-влакым ончыктымаш, "Марий национальный вургем" акций, кирам нєлтымаш, курыкыш куржталмаш, греко-римский кучедалмаш, "Йыр куштымаш" программе да молат.

Курыкыш куржталмаште 51 спортсмен ўчашен. Нуно Мўшыл ер воктене куржталыныт. Се‰ышыш Андрей Васильев, Яна Макарова, Ярослав Жирнов, Юля Тимофеева, Александрова Анжела, Семсеева Мария лектыныт. Рвезе-влак коклаште Петров Кирилл, Степанов Максим се‰еныт. Тыгак ончыл верым кугурак ийготан-влак коклаште Петрова Людмила, Колесников Александр, Мартьянов Вячеслав налыныт. Команде-влак коклаште Пєтъял школын командыже эн писе да тале лийын.

Мураш-кушташ йєратыше-влак "Элнет ўмбал канде" муро муро да сем фестивальыш погыненыт. Чылажге тушко 39 участник шке мастарлыкшым ончыкташ ушнен. Юлсер кундемын чапланыше "Локама", "Чевер кече", "Шайра", "Юлмар", "Пєтъял кундем", "Пеледыш" ансамбль-влак да посна мурызо деч посна, тыгак Морко, Провой, Татарстан кундем гычат творческий коллектив ден артист-влак муро да куштымаш дене куандареныт. Пайрем дискотеке дене мучашлалтын.

Пеледыш пайрем умбакыже вийым налеш. Пайрем толшаш шуматкечын, 16 июньышто, Йошкар-Олаште эрта. Чылаштым пагален ўжыт!

P.S Палемдаш кўлеш, пайрем вашеш Мўшыл ер олыкышто лўмын у сценым ямдыленыт. Чапле сценым Эдуард Максимов шке предприятийыштыже ямдылен. Ял калыкын кумылжылан мелын лиймаште тудлан таум ыштат.