Тамара ешыште межнеч лийын. Аваже, тў‰алтыш классым туныктышо, ўдыржым, неле паша манын, шке корныж дене тунемаш колтен огыл. Сандене тудо шинчымашым Йошкар-Оласе медицинский училищыште налеш. Дипломым кидыш налмек, Волжск оласе рўдє эмлымверын хирургий отделенийыштыже 3 ий пашам ышта. Но пенициллинлан аллергий тў‰алмек, медициным коден, Белоруссийыш кая (акаже унала толаш шукертсек ўжын). Тушто талук Жлобинск коваште фабрикыште тырша, тыгодымак акажлан икшывыжым ончаш полша.
Но шочмо кундем самырык ўдырын чонжым эре шупшын. Ача-аважым, родо-тукымым ужмыжо, йолташ ўдыржє-влак дене ондаксе семынак пєрт ончылсо те‰гылыште вычыматен шинчымыже шуын. Тыге ик кечын Тамара мє‰гыжє пєртылеш. Пашаш ялысе йочасадыш пура. Йоча-влакым чын корныш шогалтен моштышо келге шинчымашан специалист лияш манын, Н.К. Крупская лўмеш пединститутысо тў‰алтыш класс факультетым заочнын тунем пытара. Таче кечын Тамара Павловна старший воспитательым алмашта, кокымшо изи ден подготовительный группылам на‰гая.
– Шке шинчымашым шуарен шогыман, – каласкала Тамара Павловна. – Кызытсе йоча-влак современный улыт, сандене, руш манмыла, "нужно идти в ногу со временем". Тидлан интернетыште йоча воспитаний шотышто шуко о‰ай материалым лудам. Пашаштем духовный, патриотический воспитанийым ончыл верыш шындем. Икшыве-влакым изинекак осал ден порым, чын ден шоям ойыраш, ача-авам, родо-тукымым, лишыл е‰ым, шочмо кундем ден калыкым йєраташ туныктем. Кугурак-влак декат пагалымаш кумылым ешарен шогем. Теве Се‰ымаш пайрем вашеш йоча-влак дене пырля сарын ветеранже Николай Александрович Алексеев деке мє‰гыжє кайышна. Нунылан чылажат о‰ай ыле. Чыла умылен йодышт нальыч, медальжымат савыркален ончышт. Мемнан поселенийыште сарын ветеранже икте гына кодын. Николай Александровичлан тыныс илышым пєлеклымыжлан порын тауштенна. Тудо мемнам чай дене сийлыш. Тыгай вашлиймаш-влак йоча-влаклан моткоч пайдале улыт.
Чолга воспитательын вуйлатымыж почеш йоча-влак тўрлє конкурсышто уш-акылыштым, мастарлыкыштым тергат. Теве тений Анжела Колесникова "Пасхальные радости" республике фестивальыште сылнын лудшо-влак коклаште 3 верым се‰ен нале. Славян письменность кечылан пєлеклалтше республике конкурсыш миен тольыч. 9 Май пайремлан интернетыште "Одноклассники" сайтыште эртаралтше поделке конкурсышто 3 вер дене палемдалтыч. Тылзе еда йочасад воспитатель-влакын Maam.ru сайтыш сўретым, фотоснимкым колтен шогат.
Тамара Павловна кок икшывым йол ўмбаке шогалтен. Шукерте огыл тудо павай лие – Настя ўдыржє уныкам пєлеклыш. Дима эргыже армий гыч пєртыльє. Настя ден Дима кушкын кайымеке, Петровмыт икшывым ашнаш нальыч. Ынде 3 ий утла Карай гыч акак-шўжарак Настя ден Мадина нунын ешыште илат.
– Нуно шке икшывем гай улыт, – мутшым шуя Тамара Павловна. – Йєратем, моктем, южгунамже вурсашат логалеш. Икшывылан кўлеш годым пе‰гыдынат каласен моштыман – ача-аван шке кєргє куатше лийшаш.
Паша да мє‰гысє сомыл дене веле ила – тиде Тамара Павловна нерген огыл. Тудо 25 ий наре верысе "Локама" вокал ансамбльыш коштеш (вуйлатыше – Надежда Истакова). Калык коллектив шкенан республикыште веле огыл, тыгак Чуваш, Мордва, Челябинск кундемлаште калыкым поян концерт дене куандарен шога.
Тамара Павловна ик гана веле огыл Упшер поселенийын, район администрацийын, туныктымо пєлкан, тўвыра, савыктыш да калык паша шотышто министерствын, туныктымаш да шанче министерствын чап танык, тауштымо кагазышт дене палемдалтын.