Фестивальышке Волжский район гыч тунемше, туныктышо, ава-влакат миеныт. Тиде пайремже тыгак Морко районын 90-ше идалыкшылан пєлеклалтын ыле. Ончыч мутым Марий Эл Кугыжаныш Погын вуйлатышын алмаштышыже, оньыжа Анатолий Николаевич Иванов да районысо депутат-влак погын вуйлатыше Светлана Иванова нальыч. Нуно залыш погынышо-влакым пайрем дене саламлышт, районын ончыл тўвыра пашае‰-влаклан дипломым, тауштымашан кагазым кучыктышт.

Колумб лудмашым почмаште Морко район администрацийын алмаштышыже Александр Александров, Марий Эл Писатель ушемым вуйлатыше Светлана Архипова, писатель, Морко кундемын шочшыжо Валентин Осипов-Ярча, "Ямде лий" газетын тў‰ редакторжо Лидия Семенова ятыр поро шомакым ойлышт, чылаштым Колумб лудмаш пайрем дене саламлышт, се‰ымашым тыланышт.

Варажым фестиваль вийым нале. Ме, Волжский районын почеламут лудшыжо да мурышыжо-влак, Морко район почеш, эн пытартышлан, сценыш лекна. Моло районысо лудшо, мурышо-влакын койышыштым ончен, шкенам кидыш налын, та‰асымашке ушнышна: изирак тунемше-влак дене тў‰алын, кугурак дене мучашлышна. 12 ияш марте номинацийыште Сотнур школ гыч Юлиана Антонова (вуйлатышыже – педагог-организатор А.Е.Чернова да В.В.Антонова) кокымшо верыш лекте, тудо В.Колумбын "Рывыж ден агытан" почеламутшым сылнын йо‰галтарыш. Карай школын тунемшыже Дмитрий Соколов В.Колумбын "Шыже сўрет" почеламутшым устан лудо да кумшо вер дене палемдалте, вуйлатышыже – Л.А.Сергеева (12-16 ияш-влак номинаций). Тиде номинацийыштак Полина Алпаева (районысо йоча усталык пєрт, вуйлатышыже – Л.В.Алпаева) С.Чавайнын "Теле кас" почеламутшо дене кокымшо верым се‰ен нале (Морко районышто шочын-кушшо поэт-влакын произведенийлаштым лудмаш номинаций). 18 ияш деч кугурак-влак номинацийыште районысо йоча усталык пєртын ешартыш образований педагогшо А.А.Сапаев кумшо верыш лекте, тудо А.Степановын "18 ий" почеламутшым лудо.

Почеламутым шке гыч возышо-влакат выступленийышт дене куандарышт. Алексей Митяков (Сотнур школ, 3 класс, вуйлатышыже А.Сапаев) шке возымо "Колумб шўмыштына ила" почеламутшо дене кумшо степенян диплом дене палемдалте. Надежда Ильина (Сотнур школ, 10 "к" класс, вуйлатышыже-влак А.Сапаев, Н.Евдокимова) "Салам, Колумб йолташ!" почеламутшым лудмо дене кумшо лие.

Залыште шинчыше-влакым куандарыш "Шочмо йылме" почеламутшо дене Карай школын уста туныктышыжо, поэтесса Надежда Дмитриевна Ильина, тудо икымше верым се‰ен нале.

Мурышо-влакат фестиваль-конкурсышто ойыртемалтыч. Юлиана Антонова С.Чавайнын "Изи мўкш" почеламутшо негызеш возымо мурым йо‰галтарымыж дене кумшо призер лие, вуйлатышыже-влак – А.Ю.Отвагин, социальный педагог, А.Е.Чернова, педагог-организатор. Надежда Ильина поэт В.Колумбын "Шошо" почеламутшылан возымо сылне мурым йо‰галтарыш да икымше верым се‰ен нале.

– Молодец улат, Надюша! Умбакыжат тиде тў‰алме творческий корнетым шуйо, – мокталтыш кумдан палыме мурызо, землякна, жюри председатель Раисия Данилова.

Ме, Волжский районын шочшыжо-влак, Морко гыч чыланат диплом да приз дене пєртылна. Куанже могай! Тау мутым каласыме шуэш районысо туныктымо пєлка вуйлатыше Э.Н. Муравьевалан, туныктымо пєлкан методистше Н.Г. Никифоровалан, Упшер школын шофержылан да йоча-влакын ача-аваштлан мыланна, педагог-влаклан, эреак полшен шогымыштлан, тўрлє конкурслашке колтен шогымыштлан.