Умок эрян эйдень кужонок марто ялгаксчисэ, зярыяксть тердтнимизь тов покшчис. Ды вана нейгак Л.В.Михайлова тердимим покшчис. Дополнительной образованиянь педагогтне Л.В. Семенова ды Н.Б. Федосееваяк сакшность тей невтемс те праздникенть концертсэнть эсест анокставксост. Сынь ветить эйкакштнень марто кружокт.

Кенярксчинь ветицясь Г.Г. Асабова воспитателесь ёвтнесь вишкатненень эрзянь васенце профессордонть, сонзэ эсь народонзо вечкемадонть ды седе, мезе тейсь А.П.Рябов эрзятненень: сёрмадсь тонавтнема книгат, тейсь валкст (словарть), анокстась тонавтыцят, конат ветясть тонавтомань тевенть тиринь эрзянь кельсэ. Эйкакштне морасть морынеть, ловность стихть эрзянь кельде, чачома мастордост, кудораськедест, мазыйстэ киштсть ды кецявтызь ваныцятнень эрзякс "Репске" ёвксонть невтемасонть. Мон ютавтынь вишкатнень марто физкультминута "Иля манявт", казинь тенст книгат. Меельцекс весе вейсэ морынек С.М.Люлякинань "Эрзянь кель" моронть. Кенярксчись весенень пек вечкевсь.