Та ӵошатсконъёс элькунамы – выльёсыз радысь, куинетӥзэ гинэ ортчозы эшшо. Ӵошатскисьёслы но, учкисьёслы но кельшиз бере, ӟеч сяме пыӵасен луиз. Но кылем тулыс пандемиен сэрен ортчытытэк кылиз. Со понна туэ ини витьтонлэсь ятыр мурт пыриськыны мылкыд карем, воргоронъёсын оградэ ньыль нылкышноос но вожвылъяськыны дасясько. Шаерысьтымы механизаторъёсын ӵош стартэ потозы Белорус, Ростов, Свердловск, Пермь, Татарстан но Башкортостан палась вуэмъёс.

Ӵошатскисьёс куинь пӧртэм этапъёсын асьсэды возьматозы: эстакада, гараже пырон но змейка. Тракторен усто ворттылэм сяна, ыбылӥськыны быгатэмзэс адӟытозы. Нош правилоосты тӥямзы понна штрафной круг сётозы.

Эшсылы дурбасьтыны, мылкыдзэ лӧпкытыны шуыса, октябрьскийёс бадӟым командаен, пе, мыномы. Нош ми сӥзёмы удалтон но вормон!