Пищеблокъёсын оборудование, югдытӥсь арбериос воштэмын, посуда но киосты миськон раковинаос доры пӧсь ву кыскемын.

Выль укноос пуктэмын Золотари, Куреггурт, Парзи, Пусошур школаосын но нылпи садъёсын, кенерамын Качкашур, Октябрьской, Штанигурт, Ключи, Куреггурт, Гулеково, Кожиль но Парзи школа азбаръёс.

Электроснабжение воштэмын Куреггурт, Качкашур но Октябрьской школаосын, Дзякиноысь школа-садын, Парзиысь нылпи садын, Адам школаысь столовойын светодиодной светильникъёс пуктэмын.

Вань дышетон ужъюртъёслэн шудонъя но спортъя площадкаосазы оборудование буямын, кабинетъёсын но спортъя залъёсын косметической ремонт лэсьтэмын.

Эскеронъёс ортчизы 24-29-тӥ июне. Ваньмыз дышетсконниос пиналъёслы ӧсъёссэс усьтыны дасесь. Кабинетъёс куронъёслы тупало.

- Бадӟым тау дышетон ужъюртъёслэн коллективъёссылы, выль дышетскон арлы ӟеч дасяськемзы понна, - шуиз Вячеслав Сабреков, – школаын пиналъёслы тодон-валан люканы вань луонлыкъёс кылдытэмын. Озьы тӥ возьматӥськоды нылпиослэн тазалыксы, воспитанизы, сиськемзы сярысь сюлмаськемдэс.