Тидымак Вячеславын эртыше кечылаште курыкышто куржталмаш дене Россий та‰асымашын икымше тапырыште налме результатше ойла. Собер Баш курыкыш куд ме‰ге кужытыш Ўлыл Азъял рвезе 38 минутат 22 секунд куржын.
– Та‰асымаш корныжо неле: курыкыш кўзыман ыле, – палемдыш спортсмен. – Пытартыш кок ме‰гылан йолат "кўа‰е": огеш кай и чыла! Уло кєргє вий-куатем иктеш чумырен кертым.
Краснодар кундемысе Убинский станице воктене эртыше тиде та‰асымаш гыч тудо кугу се‰ымаш дене пєртылын: ветеран-влак коклаште абсолютный чемпион лийын, а самырык спортсмен-влак коклаште кумшо верым налын.
– Кечыже пеш шокшо ыле. Куржын кўзымє жапыште шўргем, капем кечывалвел кече чевертенат шуктыш.
– Тєр корнышто 6 ме‰гыжым мыняр жапыште эртет? – йодам.
– 21 минут наре, – лие вашмут.
Тиде результат – В.Мартьяновын 2014 ийыште эн кугу се‰ымашыже.
Вячеслав изинек физкультурым йєратен манме тыглай мутсавыртыш огыл. Ўлыл Азъял гыч Пєтъял школыш тунемаш тудо коштын огыл, а куржын толын. Туге гынат туныктышо-тренерышт Н.Ф.Чикаев ден М.С.Тимофеев рвезым футбол дене модаш кумыла‰деныт: изирак капан, чулым рвезе чыр лийын, чоялыкшат ситен, тўрлє ситуаций гыч мечым пєрдыктен луктын, вес командын капкаш конден. Тунам Вячеславын 8-9 класслаште тунеммыж годымак Пєтъял школын футболистше-влак "Шўштє мече" та‰асымашыште республикыште икымше верым се‰ен налыныт да Орел олаште эртыше Всероссийский первенствыште призовой верыш лектыныт. Мут толмашеш палемденак кодем, кызытат Пєтъял школышто спорт илыш вия‰ толеш, тидыжым Россий Президент модмашыште се‰ымашке шумо пе‰гыдемда.
А В.Мартьянов школ деч вара Совет Армийыш кая, Узбекистаныште службым эрта, гарнизонышто эртаралтше та‰асымашлаште ончыл верыш лектеш, кросс дене икымше разрядым налеш.
– Армий деч вара Марий кугыжаныш пединститутыш тунемаш пурышым, – ойла В.Мартьянов. – Первый кум ийжым спорт дене чотак заниматлышым. Сутка марафонлаште участвоватлаш келша ыле, Йошкар-Ола изи марафонышто сай результатым ончыктенам. Теве 1993 ийыште Йошкар-Олаште эртыше сутка куржмо дене Россий та‰асымашыште 15-ше верым нальым. Варажым МГПИ пелен аспирантурышто тунеммем годым жап чўдылан кєра та‰асымашлашке шагалрак ушненам, но шке семын эре тренировкыш лектынам. Пытартыш вич ий жапыште систематически заниматлем. Теве 2010 ийыште Марий Элын изи марафонышто "Эн сай ялысе бегун" титулым нальым. Тиде ийынак Саранскысе йўд марафонышто 9 шагат кас гыч 6 шагат эр марте 109 ме‰гат 448 метрым куржынам. Марий Эллан тиде шке шотан рекорд лийын, 2011 ийыште Киров областьын открытый чемпионатын чемпионжо лўмым сулен налынам.
2012 ий гыч марий спортсмен курыкышто куржталмаш дек мелын лиеш.
– Тидлан общефизический подготовко сай лийман. Да адакшым чын куржман, чын шўлен моштыман. Южыжо курык гыч ораде мардежла куржын вола да нушкын кўза, – воштылалеш Вячеслав Николаевич. – Тыгеже мылам асфальт дене куржталаш келша. Лийшаш лач келшыше йолчием.
Тиде возымаштем икмыняр та‰асымашым веле ушештарышым. В.Н.Мартьянов, историй науко кандидат, школыштат, тўвыра сферыштат ыштен, кызыт РФ-н Татарстан Республикысе УФСИН системыште тырша. Туштат шке коклаштышт спорт мероприятий, первенстве-влакым эртарат. Кросс дене кум ий почела УФСИН-ын чемпионжо Мартьянов лийын. 2009-2012 ийлаште тудо 5 кубок, 34 медаль, 55 чап танык ден диплом дене палемдалтын.
А кодшо ийысе спорт лектышыже эше виянрак лийын: чумыржо 22 та‰асымашыште (тышеч кокытшо тўнямбал, кандашыже Россий кўкшытан лийын) 11 медальым, кок кубкым, 20 чап танык ден дипломым конден.
– Та‰асымаш дистанцийже 800 метр гыч марафон кужыт марте, – умылтара Вячеслав Николаевич. – Тў‰жє – наградыште огыл, эн ончыч – шке капкылым шижын моштымаште, кокымшо – морально шўм-чонет пойдарет, кумшо – у е‰ дене вашлият, йолташ лият. Адакшым студент лийме годым кє дене куржталме, кызытат пырля стартыш лектына.
– О‰ай случай-влак лийыт, очыни, – палынем.
– Кодшо ий ке‰ежым Курыкмарий район Аламнер курыкышто куржталме дене Приволжский федерал округын первенствыже эртыш. Тушто Марий Элнан икымше президентше В.М.Зотинат участвоватлыш. А тыгеже район гыч Борис Витальевич Николаев, Валериян Иванович Войконов дене пырля та‰асымашлаш коштына. Мемнан деч вес кундемласе спортсмен-влак єраш тў‰алыныт. Ниныже, ойлат, соревнований кушто лиймым гына оролен коштыт. Иктаж ганаже ом тол ыле, маныт.
– Молан тыге ойлат?
– Се‰алтыт да ойлат…
В.Н.Мартьяновын кызытсе пашаже школ дене кылдалтын огыл гынат, йоча-влакым спорт деке шўма‰дымашке изи огыл надырым пышта: тў‰алтыш класслаште тунемше-влак коклаште куштылго атлетике дене та‰асымашым эртара. Шкенжын призше верч! Теният тыгай спорт пайрем 26 апрельыште, Марий талешке кечын, эрташ тў‰алеш. Тунемше-влак коклаште та‰асымаш деч посна тыгак тений икымше гана еш-влак та‰асаш лектыт. Иктыже уже таче пале – тиде Вячеслав Николаевичын икоян ешыже.