23 ий вўд йымалне ийын кошташ, йўштє-шокшым ужын, шижын, чытен мошташ, тўня мучко элнам арален кошташ пўралтын Владимир Петровлан.
Вўд йымал границым тўткын аралыме паша – эн суапле да кўлешан кугыжаныш сомыл. Лач тыгай Юмын пуымо суапле пашам Чоткар патыр гай виян, тале, ушан-шотан Ўлыл Азъял ялын шочшыжо Владимир Петров ойырен налын.
Азъял кундем – мотор вер-шєр, тыште пўртўсшат сылнырак, калыкшат поро кумылан, куатан да талырак.
Владимир Ўлыл Азъялеш 1954 ий 15 январьыште шочын. Ончыч Кўшыл Азъял, варажым Пєтъял школлаште шинчымашым поген. Йєратен тунемын математикым, куанен коштын физкультур урокыш. Тыгак библиотекыште моряк-влак нерген книгам лудын, военный темылан кином ончен. Йолташыже-влак дене футболла, волейболла куанен модын.
1969 ийыште, 8 классым тунем лекмек, Украинысе Горный ПТУ-што шахтерлан кум ий тунемын. Пел ий практикым эртен, электровозын машинистше семын тыршен, тудыжо 40 вагоным шупшын, ик вагонжо 1,5 тонн нелытан лийын, 60 тонн мландышўйым шагатыште 20 км скорость дене шупшын.
1973 ий 4 ноябрьыште армийыш налыт, Северный флотыш логалеш, подводниклан служитлаш тў‰алеш. Вўдйымал пушышто службыш эрташ – тиде почетан да пеш ответственный паша. Тышке логалаш пе‰гыде тазалык, пўсє уш-акыл, шўм-чон чаткалык кўлыт.
Торпедо-противолодочный дизельный Кугу Океанысе пушышто службым 81 е‰ сайын эртен, 3630 метр келгыт марте ийын коштыныт. Нунын коклаште Владимир Петроват лийын.
Вўдйымал пушышто службым сайын эртарымыжлан Ўлыл Азъялын кожмак эргыжым ятыр гана грамот дене палемденыт, командований икана веле огыл благодарностьым увертарен.
Владимр Петровын о‰ыштыжо "За отличие в воинской службе" кокымшо степенян, тыгак "За безупречную службу" кокымшо да кумшо степенян, "100 лет Российскому военно-морскому флоту" юбилей медаль-влак чолгыжыт.
В.Петров Средиземный те‰ызыште кум гана лийын, кок гана Анголыш (1984-1986 ийлаште) миен, Алжирым, Сирийым ужын. 1996 ий 26 декабрьыште демобилизоватлалтын. 1977 ноябрьыште ешым чумырен. Пиалан мужыр кок йочам ончен куштен. Юрий эргышт – водитель-дальнобойщик. Настя ўдырышт – Волжск оласе ик кевытын продавщицыже.
В.Петров 1999 ийыште Волжск олаште пачерым налын. Шочмо Ўлыл Азъял ялыштыжат силикат кермыч дене чапле да волгыдо пєртым чо‰ен.