Тозо пурназь стихтне, ёвтнематне, миниатюртне, налксематне панжить шкадонть, эрямодонть, ломанденть ды масторлангсо сонзэ таркадонзо од сёрмадыцятнень мелест-арсемаст. Эрьванть эйстэст – эсензэ вановтозо, эсензэ сёрмадома лувозо.

Те книгасонть - Станислав Темаевинь стихензэ.

Сиянь тештеть менельганть

Почодсть чокшнесь ковонть

марто.

Тешкестэнть а менемга

Састынестэ валыть валдост.

Мадинь ушос эзем лангс,

Сельмстэ тештень паксянть

нуян.

Монь арась мелем кортамс,

Арсемава – лейга уян.

Кельме ковось чокшнень

перть

Палси моданть ожо толсо.

А вайгель марят, а зэрть…

Пуви вармине коволсо.

Ламо мезде арсинь мон,

Ледснинь эйкакш пингем яла.

Бути улевельть сёлмон,

Ливтявлинь тештетнень

малав.

Зярдо валскесь оляс лиссь,

Атямарень тюссо валовсь,

Таго токась эйзэнь псись,

Венть экшезэ салазь

салавсь.

* * *

Вечкемась тенек а неяви,

Кинь сон сюлми ды кинь

сон яви.

Моньгак те вечкемась

кундымим,

Мазый тейтерь марто

сюлмимим.

Монь седейёжом калавтызе

Сонзэ певтеме мазычизэ.

Тейтересь тундонь цецякс

цвети,

А стяко мештем кецязь кеци.

Лопиненть анокстызе