Интернетсэ теевинь ялгакс Мария Попова Дзержинск ошсо эриця од тейтеренть марто. Сон важоди культурасо ды пек вадрясто моры.

Ламот сонзэ содасызь "Эрзянь мастор" Бакич Видяень моронть мазыйстэ морамонть кувалма. Мария монень ёвтнесь, кода сынь Культурань кудосост пурнасть концертной группа ды секе тев якить госпитальга, косо шумбралгавтыть ды лецить СВОнь боецтнэнь эйсэ.

Сынь истя жо тейнить концертт воинской частнесэяк, медицинской роботниктнень эйкакшост туртовгак. Артистнэ теить пек лезэв ды покш волонтёрской важодема.

Мариянь ёвтнеманзо коряс, зярдо-бути, сонзэ эрзянь моронть кунсоломсто, тензэ ялгакс интернетсэ совась цёраломань. Лемезэ Николай. Сон эрзя. Николай ёвтнесь сюконямонь валт Мариянень сонзэ моронзо кис, путниль тензэ шнамонь валт ды тешкст…

Ды вана ней, ташто од иенть каршо Николай тензэ кучсь истямо сёрмадовкс (нама, сон сёрмазозель рузкс): Шумбрат, мельвановикс Мария! Мон мелень март ковсто туинь эсь мельсэ контрактонь коряс служамо. Кадовинь живстэ. Пек мелезэнь тукшнось кунсоломс тонь моротнень, кода кельме окоптнэсэ, истяжо госпитальсэяк. Сюкпря тонеть!

Мария витькстась тень, кодамо Николаень неть валтнэде тензэ ульнесь мельспаро!

– Те монень сехте покш питнень путома ды сехте паро казне Од иентень! – ёвтась Мария ялгам.

Алкукскак, моронтькак пек покш виезэ!

Лопиненть анокстызе

Римма ЖЕГАЛИНА