Тиринь келентень, сонзэ певтеме мазычинтень, Кацялай велень койтненень-кирдатненень ульнесь алтазь фольклорной мероприятиясь "Мон молян тиринь масторгам".
Библиотекасо пурназель выставка "Свал гайгезэ тиринь келесь", конасонть ловныцятне теевсть содавикс минек Кочкурбуень сермадейтнеде: М.И. Брыжинскойде ды С.М. Люлякинадо, сынст эрямонь киде ды сермадовкстнэде, конатне пештязь талновтыця ёжомарямосо, тиринь ёнксонь ды келень певтеме вечкемасо.
Ловныцятнень марто ютавтозель викторина-налксема: "Кода содаса тиринь ёнксом". Покш мельспаросо "Лейне" авань ансамблясь казсь весенень эрьзянь гайгев морот: "Веле, велинем", "Кода лёнось видема", "Катюша", "Ашо килейне" ды ламо лият. Вера Бочканова морызе "Од шкам ютась", конань лацизе С.М. Люлякина, С.В. Мартынова – "Чинжень Катя". Лена Старкина, "Вайгель" радиостанциянь важодицясь, ёвтнизе С.М. Люлякинань "Валске" стихотворениянть, Артём Куприянов – "Молинь тельня маней чине".
Мероприятиясь прядовсь столь экшсэ. Кацялай велень библиотекань ловныцятне-инжетне ульнесть каванязь тантей штюрьбасо, кона пидезель Сура леень калсто. Ловныцятнень марто вастовомась стяко эзь юта. Эрьвась, арсян, каясь мельс арсема, што эряви свал кортамс тиринь кельсэ, а стувтнемс мокшо-эрзянь раськенть историянзо ды коензэ-кирданзо.
Е. КУПРИЯНОВА,
Кацялай велень библиотекаресь.
Эрзянь фольклорось
"Мон молян тиринь масторгам"
Тиринь келентень, сонзэ певтеме мазычинтень, Кацялай велень койтненень-кирдатненень ульнесь алтазь фольклорной мероприятиясь "Мон молян тиринь масторгам".
Библиотекасо пурназель выставка "Свал гайгезэ тиринь келесь", конасонть ловныцятне теевсть содавикс минек Кочкурбуень сермадейтнеде: М.И. Брыжинскойде ды С.М. Люлякинадо, сынст эрямонь киде ды сермадовкстнэде, конатне пештязь талновтыця ёжомарямосо, тиринь ёнксонь ды келень певтеме вечкемасо.
Ловныцятнень марто ютавтозель викторина-налксема: "Кода содаса тиринь ёнксом". Покш мельспаросо "Лейне" авань ансамблясь казсь весенень эрьзянь гайгев морот: "Веле, велинем", "Кода лёнось видема", "Катюша", "Ашо килейне" ды ламо лият. Вера Бочканова морызе "Од шкам ютась", конань лацизе С.М. Люлякина, С.В. Мартынова – "Чинжень Катя". Лена Старкина, "Вайгель" радиостанциянь важодицясь, ёвтнизе С.М. Люлякинань "Валске" стихотворениянть, Артём Куприянов – "Молинь тельня маней чине".
Мероприятиясь прядовсь столь экшсэ. Кацялай велень библиотекань ловныцятне-инжетне ульнесть каванязь тантей штюрьбасо, кона пидезель Сура леень калсто. Ловныцятнень марто вастовомась стяко эзь юта. Эрьвась, арсян, каясь мельс арсема, што эряви свал кортамс тиринь кельсэ, а стувтнемс мокшо-эрзянь раськенть историянзо ды коензэ-кирданзо.