32 ар ортчиз ни, кызьы Отогуртысь клубе ужаны лыктӥз егит нылаш – Зульфия Абизаровна Невоструева. Востэм, чебер, лякыт сямо, дышетскиз удмурт кылын но вераськыны. Лулчеберет удысын со ас интызэ шедьтӥз. 15 ар ӵоже "Тюрагай" коллективен кивалтэ ни.
Бесерман калыклэн улон-вылонэзлы сӥзем музей-комната кылдытон бордын но пыр-поч ужаз.
"Тюрагай" коллективмы концертъёсын пота, конкурсъёслэсь, фестивальёслэсь палэнэ уг кыльы. Туэ нырысьсэ удмуртъёслэн кырӟан лулчеберетсыя "Пестросаес" улосвылкуспо фестиваль-конкурсазы пыриськиз, ортчиз со онлайн амалэн. Коллективмы дипломен но коньдон сертификатэн пусъемын.
Бесерман калыклэсь данзэ, лулчеберетсэ, сямъёссэ но йылолъёссэ утён ужрадэ мыло-кыдо пыриськемез понна Зульфия Невоструева Йӧскалык политикая министерстволэн Данъян грамотаеныз пусъемын. Бесерман калыклэн ортчем конференцияз сётӥз сое но азьланяз азинсконъёс сӥзиз Зульфия Абизаровналы йӧскалык политикая министр Лариса Буранова.
Ӟечкыласьком вылӥ данъетэн! Вань малпанъёсыд одно ик мед быдэсмозы, небыт сюлэмыд медаз измы.
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ