32 ар ортчиз ни, кызьы Отогуртысь клубе ужаны лыктӥз егит нылаш – Зульфия Абизаровна Невоструева. Востэм, чебер, лякыт сямо, дышетскиз удмурт кылын но вераськыны. Лулчеберет удысын со ас интызэ шедьтӥз. 15 ар ӵоже "Тюрагай" коллективен кивалтэ ни.

26-тӥ пӧсьтолэзе праздниксэс паськыт пусйизы зарезь дурын службазэс нуэм воргоронъёс. Отогуртысь Николай Ушаков но та нуналэз пусйытэк уг кельты. Со куинь ар ӵоже Тихоокеанской флотын К-134 подводной лодкаын трюмной машинист луыса службазэ нуиз.