Сыгын айдыҥ 28-чи кӱнинде улу ла байлу Улаган Алтайыста, алтай албатыныҥ укаа-санаалу ла ойгор кӧгӱстӱ, сӱӱген поэдиниҥ Л.В. Кокышевтыҥ 85 јажына учурлалган "Алтын сӱрлӱ Алтайым" деп республикан кеминде Педагогикалык устардыҥ 1-кы фестивали ӧткӧн.
Улаган аймактыҥ администрациязында јаан јашту ӧрӧкӧндӧр ортодо алтай чӱм-јаҥ керегинде јуун ӧтти. Бу јуунды башкарып, албатыны јууп ӧткӱрген кижи – ака јайзаҥ, алматтардыҥ јайзаҥы Степан Иванович Ельдепов.