Районысо чыла тўвыра учреждений тиде пайремым кугу кумылын, чапле лектыш дене вашлияш уло куатым пышта. Нунын деч лудмывер-влакат єрдыжеш огыт код. Библиотеке системе могай паша кумыл дене ила – тидын нерген Волжский район администрацийын "Илем-влак кокласе рўдє библиотека" муниципал учрежденийын вуйлатыше Р.П.Кузнецова дене ойым вашталташ йєн лекте.
– Римма Петровна, районын 75 ияш лўмгечыжлан кузерак ямдылалтыда?
– План почеш мероприятий-влакым идалык тў‰алтыштак составитленна. Нуно чылан гаяк районнан 75 ияш лўмгечыжлан пєлеклалтыныт. "Мыйын Юлсер кундемем", "Волжский районлан – 75", "Тыгай мландыште илымем шуэш", "Шочмо кечет дене, йєратыме кундем!", "Мый тыште кушкынам, ты вер эн шерге шўмемлан!" книга экспозиций-влак кажне лудмыверыште улыт. Книга деч посна лудшо-влак Юлсер кундемысе лийше событий да ончыл е‰-влак нерген "Чоткар Патыр", "Шочмо верем, моторем", "Волжский район печатьыште", "Культур илыш", "Библиотеке илыш печатьыште" краеведческий, тематический папке-влакым шергал кертыт. Февральыште А.В.Тимофеевлан мемориал о‰ам почмо мероприятийыште участвоватлышна, писательын буклетшым ямдылыме ыле. Учимсола лудмыверыште эртаралтше "Сылнымут садвечыште" литератур кас В.В.Илларионовын 55 ияш лўмгечыжлан пєлеклалтын ыле. Лудмывер вуйлатыше К.Г.Константинова Учимсола школын тунемшыже-влакым мемнан землякна, самобытный поэт-лирик Вадим Илларионовын илыш да творчестве корныжо дене палымым ыштен. Поэтын лирике шўлышан почеламутшо-влак "Кинде-шинчал" коллективный сборникыште савыкталтыныт. Ятырже муро семын калыкыште шарлен. "Вуйым савем" поэмыже моткоч келге содержаний дене ойыртемалтеш.
– Лудмывер калыкым книга деке шўма‰да, тыгак шымлыме пашамат на‰гая, тыге огыл мо?
– Тўрлє проект, шымлымаш пашам на‰гайымашым ик эн тў‰ направленийлан налына. Ятыр лудмывер вуйлатыше краеведений, этнокультур йодышлам шымла, нергела. Мутлан, Кўшыл Азъял лудмывер вуйлатыше Л.В.Романова шке кундемже нерген легенде ден преданийым шукертсек пога. Тений тўвыра, савыктыш да калык паша шотышто министерствын межнациональный отделыш "Материальный огыл культур наследийын объектше-влакым аралымаш" программе почеш "Овда кў" проектым ямдылен. Ярамарий лудмывер вуйлатыше А.Д.Семенова марий калык йўлам шымла. Тидлан калыкыш лектын коштеш. Тошто марий мурым, фотоматериалым, легендым, преданийым пога. Кажне библиотекыште краведческий лук але выставочный экспозиций уло. Тушто калык творчестве экспонат, тематике фотоальбом да папке-влакым ужаш лиеш. Мини-музей-влак верысе калык, кундем дене кылдалтше исторический материаллан поян улыт. Экспонат, материал-влак эре уэмдалт, ешаралт шогат.
– Викторине, литератур кас-влак Юлсер кундем нерген лудшо-влакын шинчымашыштым келгемдаш полшат. Тыгай пашам на‰гаеда?
– Тыгай мероприятийым кажне гана эртарена. Теве Пєртанур лудмыверыште "Палет мо районнам"? викториным эртарыме. Лудшо-влаклан районысо ялла нерген йодыш-влакым палаш о‰ай лийын. Е.Е.Ефимова ден туныктышо М.Л. Султайкина пырля "Мыйын ялем" проектым ямдыленыт. "Ме тендан дене кугешнена" стенд афган войнаште служитлыше ветеран-влаклан пєлеклалтын.
Ме, лудмывер пашае‰-влак, калыклан книга культур дене пырля шочмо вершєрнам, марий койышнам, йўланам аклен, пагален да переген кодымо пашамат шуктышаш улына. Садлан кундемнан юбилей пайремже – мыланна ик эн шерге мероприятий.