Подписчик-влак коклаште приз розыгрышым эртарымаш мемнан редакцийыште поро йўлаш пурен. Кызытат кокымшо пелийлан эртыше подпискым тыгак иктешлышна.
Тў‰ приз семын планшетым ойырышна. Тудын озаже лияш Ярамарий ял гыч пенсионер Е.В.Суворовлан пиал шыргыжале.
Евдоким Васильевичым шкежат сайын палем да пагалем сай туныктышо, е‰ым умылен моштышо айдеме семын. Ярамарий школыш тудо Совет армий радам гыч пєртылмеке, 1966 ийыште толын. Уже туныктымо стажше лийын – Марий пединститут пеленсе вашке туныктымо курс деч вара Карай школышто историйым на‰гаен. Салтак корныжо кум ий Венгр калык республикыште эртен. Школ пашаште Евдоким Васильевич 11 ий тыршен, тыштак, Ярамарийыште, ешым поген, пелашыже, Светлана Васильевна, пионервожатый сомылым шуктен, тунемше-влакым икой дене, ваш полшен да келшен илаш туныктен.
1974 ий гыч Е.В.Суворовым верысе "Дружба" озанлыкын профком председательжылан сайлат, 8 ий ты сомылым шукта, а вара – эре озанлыкыште – гаражыште але АВМ-ыште тырша. Шке манмыжла, совхоз пытымеш эре ышта. Чапчык ялын эргыже Ярамариешак лакеме. "Ярамарий уныка улам, авамже Ивусь Тачанан суртшо гыч марлан толын", – шыргыжал мане Евдоким Васильевич.
– Планшетым модын налмылан Ангелина уныкам моткоч куанен, – ойла Е.Суворов. – Ынде 9-ше классыш кая, тунеммаштыже планшет моткоч кўлеш. А газет шумлык тыге каласем: районышто илыше кажне еш район газетым налшаш да лудшаш: увержым лач тушеч налына.