Проект интересен тем, что позволяет поддержать интерес к языку, используя современные методы, в данном случае – создавая на эрзянском языке … комиксы. Директор Подлесно-Тавлинской основной школы О.В. Гангеев, отметил, что мастер-класс, показанный учителям и журналистам национальных изданий Мордовии гостями из Финляндии, наверняка найдет продолжение в их работе.

Участники проекта освоили создание комиксов как способ передачи своих мыслей, переживаний. В них они рассказали об актуальных проблемах сохранения родного языка, экологических проблемах. В результате работы было создано более десятка плакатов-комиксов, которые затем будут опубликованы в Финляндии в журнале "Финно-угорский комикс".

О своих впечатлениях о данном мероприятии рассказала учитель эрзянского языка Подлесно-Тавлинской школы Н.Д. БАЛЯЙКИНА:

- "Тиринь келень вечкемась – Родинантень вечкема" - корты эрзянь содавикс валмеревксэсь. Ды тень каршо а мезе меремс. Родинантень вечкемась ушодови эсеть келенть, раськенть вечкемасто, эсеть койтнень-кирдатнень содамосо-кемекстамосо. Кода минь карматано вечкеме лия народонь культуранть, бути минсь пильге алов тапатано весе сень, мезе кадсть миненек покштятне-бабатне? Пек кенярдовты се, што улить оштё ломанть, конат пиить-палыть вейсэнь тевтнень кис ды бажить, штобу минек ундокстнэ кеместэ кирдевельть минек корьмай моданть лангсо.

Даволковонь кемголмовоце чистэ Вирь Тавласо Ромашкинэнь лемсэ "Этно-кудо" музеесь келейстэ панжинзе кенкшензэ инжетненень. А сынст эйстэ тесэ ульнесть ламо. Те и школань тонавтыцят, и газетасо-журналсо важодицят, содавикс сёрмадейть ды сёрмадомо ушодыцят, "Торамань" кезэрень моронь морыцятне. Лиякс меремс, тезэнь пуромсть весе, кить мелявтыть эсест тиринь келест кисэ. А пурнымизь минек омбо масторсто сыця инжетне. "Комикссэ эрий кель" - истя лемезэ те арт-проектэнть, конань икелев путозь покш тев: ванстомс финно-угрань ёмиця кельтнень комикс вельде.

Васенцекс, эрзятнень кезэрень коень коряс тевенть вадрясто ушодовомга-теемга ютавтозель апокшке озкс.

Мейле инжетне толковизь миненек, кода эряви важодемс комикстнэнь лангсо. Эрявсь кочкамс тема, конась пек талновтсь эрьванть ды ниле артовкссо снартомс панжомс сонзэ. Видьстэ меремс, васня минь овсе эзинек чарькоде, мезе арсить неемс ды марямс минек пельде инжетне. Эдь те тевенть весе топавтсть васенцеде. Но аламонь-аламонь, эскельксэнь-эскелькс минь топавтынек сынст кармавтомаст. Тевесь ютась пек весёласто кортнезь ды вейке-вейкенень лездазь.

Вейкеяк комиксэсь эзь кадово апак ванно. Санна Хукканен, те мастер-классонть ютавтыцясь ды сонзэ лездыцязо Анна Воронкова, финнэнь кельстэ ютавтыцясь, макссть покш питне эрьва важодевксэнтень, ёвтызь сынст паро ёнксост ды асатыксэст. Кемевтимизь, што весе неть комикстнэ кармить нолдазь "Финно-угорский комикс" журналсонть, кона лисни Финляндиясо. Теке марто сынь бажасть содамс эрьванть мелензэ сень коряс, кода минь карматано "совавтомо эрямос" неть содамочитнень.

Монь, кода эрзянь келень ды мокшэрзянь литературань тонавтыцянть, ули мелем варчамс те важодемань форманть эсень уроксо. Паряк, неть комикстнэ лездыть сыргозтемс минек эйкакштнэнь кеме удомасто ды вельмевтить сынст седейс вечкемань сятко тиринь келентень.