10-тӥ ноябре Глазов ёрос эстӥськон вакытлы дась луэмез сярысь паспорт басьтӥз.
Со сярысь ивортэ ёрослэн кивалтӥсез Вячеслав Сабреков.
Паспорт сётӥське сӥзьыл, со азьын рос-прос эскерисько вань котельнойёс но ву сётон гумыос. Ёросын ужась 26 котельнойёс умой дасямын. Озьыен, 157 улон юртъёс, 4 эмъюртъёс но 21 дышетон учреждениос кезьыт вакытэз кынмытэк ортчыны кулэ. Со сяна, котельнойёс эсто на культура юртъёсты но ФАПъёсты.
Шаерамы, огъя валысь, 29 муниципал кылдытэтъёс паспортъёс басьтӥзы. Сарапулын концессионерез воштӥзы, соин ик Ростехнадзорлэсь вань алонъёссэ палэнтыны ӧз вуттэ, но шуныт вань юртъёсы дыраз вуиз.
Толлы дасяськыны туэ элькун коньдэтысь 190 миллион манет висъязы вал. Со уксёлы котельнойёсты дасязы но 60,5 иськем ву нуись гумыосты рос-прос тупатъязы.
НародныйВопрос.рф Бесплатная юридическая помощь
При реализации проекта НародныйВопрос.рф используются средства государственной поддержки, выделенные в соответствии с распоряжением Президента Российской Федерации от 01.04.2015 No 79-рп и на основании конкурса, проведенного Фондом ИСЭПИ