Праздник шӧмын со ортчиз Птицефабрика посёлокысь лулчеберетъя "Победа" юртын. "Удмурт кенеш"-лэн котькудӥз но ужрадэз – со эшъёсын пумиськон, вордскем кылын лулысь-сюлмысь вераськон, удмуртлыкмес утён сярысь ужпумез нош ӝутон.

Шумпотымон, празднике лыктӥллям удмурт движенилэн ветеранъёсыз, соос вӧзын будэм егитъёс. Ӟечкыланы вуылӥзы карен но ёросэн кивалтӥсьёс, кудъёсыз пусйизы, макем бадӟым интызы йӧскалык огазеяськонъёслэн но соос радын – "Удмурт кенеш"-лэн.

Юбилеез пусъёнэн валче тросэз "Удмурт кенешлэсь" Таукаронзэ басьтӥзы, соос пӧлын – "Удмурт нылкышно кенешлэн" азьветлӥсез Марина Наговицына, "Чупчи гуръёс" фольклор ансамбльлэн кивалтӥсез Ольга Бегишева, ГГПИ-ысь доцент Ольга Никифорова. Соослы луыса, пумен тросгес егитъёс кыстӥсько удмурт движение. Йӧно но синмаськымон адӟиськиз выль кивалтӥсез Елена Пономарёва, "Иднакар" газетмылэн валтӥсь редакторез.

Люкаськемъёслы праздник мылкыд кузьмазы карысь но ёросысь творческой коллективъёс. Чебересь композициосын паймытӥзы Глазовысь лулчеберетъя "Россия" центрысь кырӟась но эктӥсь нылпи ансамбльёс.