Эйзюрковонь 1-це чистэ Республикасо ютась 25 –це Межрегиональной Олимпиадась эрзянь литературанть коряс. Районсо изницятне тердезельть Республикав.
Юткозост понгинь монгак, секс што саинь васенце тарканть 11-це классо тонавтницятнень ютксо муниципальной этапсонть . Пек ламо савсь моне важодемс монь тонавтыцянть марто Г.А. Дорофеева. Лецтинек весе ютазенть мельс ,5-це классто саезь 11-це классос.
Эрявсь ламо содамс: минек эрзянь писательтнень ды сынст произведенияст, литературань теориянть. Ды весе те, пек лездась моне саемс 2-це тарканть.
Мон вечкса тиринь келем. Сон монень маряви мазыкс, гайгицякс, пек шождасто морави (эрзянь валтнэсэ ламо марявиця гайтть-гласнойть). Бути весе эрзятне кармить тонавтомо эйкакшост тиринь кельсэ кортамо, ловномо, сёрмадомо,сестэ сон пек келейгады ды а ёми зярдояк.
Монь мелем: педе пев содамс эсень келем ды ванькстэ эйсэнзэ кортамс. Арсян шумбрачи ды покш вий, шожда ки эсь раскентень, велентень-седе тов касома-кепетема, келентень-келейгадома.